«Газбен қамтамасыз ету жабдықтары мен жүйелерін құрастыру және пайдалану» мамандығы газбен қамтамасыз ету жүйелері мен жабдықтарын пайдалану, баптау, жобалау, салу, құрастыру және жөндеумен байланысты мамандық.

Қызметтің негізгі түрлері: газбен жабдықтау жүйелерін құрастыру мен салудың техникалық қадағалау мен нормативтік құжаттарына сәйкес газбен қамтамасыз ету жүйелері мен жабдықтарын құрастыруды жүзеге асыру; қайта салынған газ құбырларына қолданыстағы газ құбырларын қосу және газ желілері мен жабдықтарына газ жіберу; газбен жабдықтау жүйелері мен жабдықтарын сенімді және қауіпсіз пайдаланылуын қамтамасыз ететін жұмыстарды жүргізу; жабдықтарды пайдалануға қабылдау; газбен жабдықтау жүйелеріндегі апататтарды оқшаулау және жою; қолданыстағы құбырларды ажырату, оларды жөндеу және газ құбырының зақымданған учаскелерін ауыстыру.

«Газбен қамтамасыз ету жабдықтары мен жүйелерін құрастыру және пайдалану» мамандығы бірнеше біліктілікке бөлінеді:

- Газ жабдығын пайдалану және жөндеу жөніндегі слесарь;

- Газ объектілері жабдықтарын пайдалану жөніндегі техник.

Әр бағыт бойынша колледжде оқуды аяқтағаннан кейін жоғары оқу орнында оқуын жалғастыруға болады.